iklan

INTERNASIONÁL, HEADLINE

Timor-Leste no Tailándia konkorda aplika izensaun vistu ba pasaporte komun-ordináriu

Timor-Leste no Tailándia konkorda aplika izensaun vistu ba pasaporte komun-ordináriu

Ministru Negósiu Estranjeiru no Kooperasaun, Bendito dos Santos Freitas no Ministru Negósiu Estranjeiru Reinu Tailándia, Maris Sangiamponsa, asina akordu inzensaun vistu, iha ámbitu vizita ofisiál Ministru Bendito. Imajen/Mídia MNEK

DILI, 22 juñu 2024 (TATOLI)Governu Repúblika Demokrátika Timor-Leste (RDTL) no Reinu Tailándia asina ona akordu kona-ba izensaun vistu turista ba pasaporte komun ba ordináriu entre rai-rua ne’e.

Akordu ne’e asina husi Ministru Negósiu Estranjeiru no Kooperasaun Timor-Leste, Bendito dos Santos Freitas no Ministru Negósiu Estranjeiru Reinu Tailándia, Maris Sangiamponsa, iha ámbitu vizita ofisiál Ministru Bendito nian ba Tailándia hodi responde ba konvite ofisiál husi nia omólogu.

“Akordu ne’ebé asina ona ho Governu Tailándia, liuhusi Ministériu NegósiusEstranjeiru nasaun rua ne’e nian, konkorda tiha ona ba inzensaun vistus ba portadores pasaporte komun, ne’ebé sidadaun Timor-Leste bele iha períodu loron-30 bele mai iha Tailándia sein vistu atubele pasa turízmu, halo kompra, edukasaun no área sira seluk,” relata nota ofisiál ne’ebé Agência Tatoli asesu, sábadu ne’e.

Notísia relevante : Governu estabelese akordu inzesaun vistu ba Tailandia no Kambodia

Ministru Bendito husu husu Ministériu Interiór liu-liu Servisu Imigrasaun, katak ho akordu kona-ba izensaun vistu turista ba pasaporte komun ne’e, sidadaun Tailandéz bele vizita Timor sein vistu durante loron-30 nia laran.

Ho asinatura akordu ne’e, iha prazu loron-30 nia laran, sura husi loron selebrasaun akordu, Parlamentu Nasionál husi nasaun rua presiza halo ratifikasaun hafoin bele hahú ninia implementasaun.

Antes ne’e, nasaun rua aplika ona inzensaun vistu ba pasaporte serbisu no diplomástiku nian ba sidadaun Timor-Leste ho Tailandéz ne’ebé halo pasajen vise-versa.

Jornalista      : Natalino Costa

Editora           : Julia Chatarina

iklan
iklan

Leave a Reply

iklan
error: Content is protected !!