Top

Defeza Arnolfo sei submete, semana oin, rekursu hodi kontesta desizaun Tribunál

Defeza Fujitivu Arnolfo Teves Jr, Advogadu Privadu José Ximenes ko'alia ho mídia. Imajen TATOLI/Natalino Costa

DILI, 12 jullu 2024 (TATOLI) – Defeza husi fuzitivu Arnolfo Teves Jr, Advogadu Privadu, José Ximenes, hateten defeza husi fuzitivu prepara ona rekursu no sei submeter iha semana oin hodi kontesta desizaun Tribunál Rekursu kona-ba estradisaun ba nia kliente hodi lori fila ba nia nasaun orijen Filipina.

“Ami prepara ona rekursu hodi kontesta desizaun Tribunál no rekursu ne’e ami sei finaliza semana ida-ne’e nia-laran no semana oin mak ami submete ba Tribunál Rekursu”, José Ximes hateten ba TATOLI via telephone, sesta ne’e.

Nia dehan, lei fó dalan katak kuandu ema ida lakonkorda desizaun Tribunál Primeiru Instánsia nian, automátikamente sei rekorre ba Tribunál Rekursu.

“Ita bo’ot sira hatene Tribunál Rekursu, foin daudaun, fó tempu ba arguidu Teves, karik la konkorda desizaun Tribunál, bele halo rekursu iha loron 30 nia laran, tanba ne’e ami prepara ona rekursu no semana oin ami sei submete ba Tribunál Rekursu”, nia afirma.

Rekorda fali katak iha loron 21 juñu 2024 iha tuku 16:00 loraik liuhosi Juiza Jacinta Correia hatún desizaun hodi halo estradisaun ba Fuzitivu Arnolfo Teves Jr ba fali nia nasaun orijen Filipina.

Notísia relevante : Supremu Tribunál Justisa deside halo estradisaun ba Fuzitivu Arnolfo Teves

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!