Top

MSSI prevee rihun $225 hodi atribui apoiu pontuál ba sobrevivente sira

Diretora Nasionál Re-insersaun Komunitária MSSI, Manuela Martins. Imajen Ttaoli/Arminda Fonseca

DILI, 17 jullu 2024 (TATOLI)—Ministériu Solidaridade Sosiál no Inkluzaun (MSSI), tinan ne’e, prevee ona orsamentu hamutuk rihun $225 hodi atribui apoiu pontuál ba sobrevivente sira.

“Tinan ne’e, foin lalais Konsellu Ministru aprova ona kriasaun subsídiu apoiu pontuál ba sobrevivente sira, ho ida-ne’e ita tinan ne’e aprova orsamentu rihun $225 hodi subsídiu apoiu pontuál sobrevivente sira ne’e,” Diretora Nasionál Re-insersaun Komunitária MSSI, Manuela Martins, informa ba Agência Tatoli, iha Delta Nova, kuarta ne’e.

Orsamentu ne’e aloka ba karakterístika 14 mak hanesan violénsia doméstika, pasiente vulnerável, violénsia bazeia ba jéneru, abandona, família vulnerável no seluk tan.

Notisia relevante : Pagamentu apoiu pontuál ba sobrevivente 180-resin realiza iha tinan oin

Antes ne’e Centro Nacional Chega, Institutu Públiku (CNC, I.P) haruka sobrevivente sira-nia naran ba MSSI apoiu hahú husi tinan 2020 to’o 2022, maibé tinan ne’e sei hahú filafali.

“Ba reparasaun vítima , ita aloka $20.000 hodi apoiu pontuál ba sobrevivente sira. Tuir dadus husi pesoál Chega, iha munisípiu sira serbisu hamutuk ho MSSI identifika ema sobrevivente vulnerável sira ba luta ukun rasik, ne’ebé tinan ne’e sei hetan apoiu subsídiu hamutuk 40. Ida-ne’e ita sei realiza iha trimestre datoluk,” nia akresenta.

Kada pesoál sei hetan subsídiu la hanesan, sira hetan tuir situasaun no kondisaun ida-idak nian ne’ebé sa’e liu $2.000 no tun liu $500.

Jornalista     : Arminda Fonseca  

Editora          : Julia Chatarina

Publisidade

Leave a Reply

Latest Post

error: Content is protected !!