BOBONARO, 06 outubru 2024 (TATOLI) – Hahú husi fulan-janeiru to’o fulan-outubru tinan 2024 ne’e, Polísia Nasionál Timor-Leste (PNTL) Komandu Munisípiu Bobonaro liuhusi Seksaun Tránzitu Rodoviária halibur reseitas hamutuk $43,917 hodi kontribui ba kofre estadu.
Iha fulan-janeiru konsege halibur $6,931, fevereiru $4,569, marsu $2,867, abríl $4,102, maiu $2,413, juñu $5,271, jullu $2,271, agastu $4,555, setembru $5,439 no outubru $5,499.
“Reseita durante fulan 10 totál hamutuk $43,917,” Dadus ne’ebé Ajénsia TATOLI, asesu husi Seksaun Tránzitu Rodoviária Munisípiu Bobonaro.
Enkuantu reseita hirak-ne’e kontribui liuhusi atividade pasa revista ba transporte públiku no privada inklui kontrolu seguransa rodovária kada loron iha kapitál Maliana no postu administrativu seluk, tanba infratór sira kontra regra tránzitu no dekretu-lei kódigu estrada hanesan la uza kapasete, dokumentu transporte liu prazu, karta kondusaun laiha, asesoris transporte la kompletu no uza kanu-resin.
Notisia relevante:Janeiru-agostu 2024, PNTL Bobonaro halibur reseita $32,544
Jornalista: Sérgio da Cruz
Editór: Evaristo Soares Martins
