iklan

HEADLINE, SEGURANSA

PNTL kontinua buka tuir deskoñesidu tiru rezidénsia Lú-Olo

PNTL kontinua buka tuir deskoñesidu tiru rezidénsia Lú-Olo

Parada Membru PNTL iha ambitu aniversáriu PNTL ba dala-24, iha Kuartél UEP, Bairro-Pite Dili, kuarta (27/03). Imajen Tatoli/Francisco Sony

DILI, 03  janeiru 2025 (TATOLI)-  Komandante Polísia Nasionál Timor-Leste (PNTL) Munisípiu Dili, Superintendente Xefe Polísia, Orlando Gomes, informa katak agora daudaun servisu sekreta sira Polísia nian sei kontinua buka tuir suspeitu ne’ebé suspeita tiru rezidensia antigu Prezidente Lú Olo, iha Farol, Dili, foin lalais nee.

“Daudaun  ne’e ekipa sekretu sira sei la’o buka hatene motivu husi insidente nee,” Superintendente Xefe Polísia Orlando Gomes hateten ba jornalista sira iha nia knaar fatin eskuadra Dom Aleixo, sesta n6ee.

Autoridade polisiál ne’e dehan, loos duni katak iha dia 31 oras zero-zero iha akontese duni iha eis- Prezidente Repúblika Lú Olo nia rezidénsia Farol, mosu  insidente  katak deskonesidu  tiru bala musan ba eis-Prezidente Repúblika Lú Olo nia rezidénsia.

Nune’e hafoin akontesimentu, patrulla Eskudra Vera-Cruz ho Investigasaun to’o kedan iha fatin hodi halo atuasaun no halo konfirmasaun ba insidente neye no iha insidente ne’e loos duni  katak hetan duni inbolku (monisaun) ne’ebé mak monu iha kalen leten borus tuun kedan ba iha veladór depois belit kedan iha veladór nia hena.

“Momentu ne’ebá ita nia eis-titular , eis -Prezidente Repúblika senór Lú Olo  ho família sira mai asiste ema tiru paison iha litur hodi selebra tinan foun, depois fila tama fali ba mak haree no  konsege identifika katak hetan inbolku,” nia haktuir.

Komandante PNTL Munisípiu Dili ne’e dehan, depois ekipa eskuadra Vera-Cruz konfirma ne’e inbolku duni nune’e ekipa halo tiha ezaminasaun ba lokál krime hamutuk ho Polísia forénsiku sira ne’ebé momentu iha fatin ne’ebá no ikusmai eskuadra entrega kazu ne’e ba Departamentu Investigasaun Kriminál hodi kontiunua prosesu investigasaun ba kazu referidu.

“Kazu ida-ne’e ita atende kedan  i depois momentu ne’ebá kedan forensik mós iha, entaun kazu ida-ne’e ita entrega ona ba investigasaun nasionál mak kontinua halo prosesu,” nia informa.

Komandante ne’e fundamenta katak suspeitu ba kazu ne’e PNTL seidauk identifika ema ruma tanba ne’e kazu referidu suspeitu  sei deskonesidu, tanba ne’e, prosesu iha identifikasaun.

Komandante Polísia Munisípiu Dili ne’e hateten, husi Polísia,  foti ona informasaun antigu Xefe Estadu Francisco Guterres Lú Olo ho nia família sira momentu akontesimentu no agora daudaun investigasaun nasionál mak kontinua halo prosesu.

Jornalista: Natalino Costa

Editór: Rafael Ximenes de A. Belo

iklan
iklan

Leave a Reply

iklan
error: Content is protected !!