iklan

EDUKASAUN

ME halo ona pagamentu ba kargu xefia sesante 284

ME halo ona pagamentu ba kargu xefia sesante 284

Diretór Nasionál Rekursu Umanu iha Ministériu Edukasaun, João Amaral. Foto TATOLI/Osória Marques

DILI, 16 janeiru 2025 (TATOLI)—Ministériu Edukasaun (ME) halo ona pagamentu ba kargu xefia sesante hamutuk 284 husi Ainaro, Dili no Ataúro.

Diretór Nasionál Rekursu Umanu iha Ministériu Edukasaun, João Amaral, esplika ministériu halo pagamentu ho orsamentu $869,892.60 ba kargu xefia sesante hirak-ne’e.

“Kargu xefia sesante hirak-ne’e kompostu husi Ensinu Sekundáriu Tékniku Vokasionál (ESTV) hamutuk 50 ho orsamentu $178,796.60, Ensinu Sekundáriu Jerál (ESG) hamutuk 77 ho orsamentu $252,378.00, Ensinu Báziku (EB) iha Ainaro totál profesór 86 ho orsamentu $253,657.00, husi EB Dili 65 ho orsamentu $165,156.00, husi EB Ataúro 6 ho orsamentu $19,905.00,” João dehan ba TATOLI iha nia kna’ar fatin, Vila-Verde, kinta ne’e.

Nia hatutan, ba kargu xefia sesante sira husi munisípiu seluk ne’e sei iha hela faze verifikasaun dadus no sei halo pagamentu iha tempu badak.

Enkuantu, kargu xefia sesante ne’ebé Ministériu Edukasaun seidauk halo pagamentu mak hanesan EB husi munisípiu Liquiçá hamutuk 65, EB munisípiu Covalima 104, EB Aileu 81, EB Manufahi 75, EB Bobonaro 156, EB Baucau 126, EB Ermera 146, EB Lautém 92, EB Manatuto 84 no EB Viqueque 109.

“Nune’e, totál profesór ne’ebé ita seidauk halo pagamentu ne’e hamutuk 1.036,” Diretór Nasionál ne’e informa.

Jornalista: Osória Marques

Editór: Xisto Freitas da Piedade

iklan
iklan

Leave a Reply

iklan
error: Content is protected !!