DILI, 22 janeiru 2025 (TATOLI)—Diretór Aprovizionamentu Institutu Nasionál Farmaseútiku no Produtu Médiku (INFPM), Mariano da Silva Marques, haktuir, iha segunda (20/01/2025), INFPM simu tan ai-moruk item neen ne’ebé INFPM sosa liuhosi Fundu Populasaun Nasaun Unida (UNFPA-sigla inglés), husi Austrália.
“Ai-moruk item neen ne’e sosa ho orsamentu valór $150.000,” Mariano dehan ba TATOLI, iha nia kna’ar fatin, Kampung Alor, Dili, kuarta ne’e.
Nia esplika katak ai-moruk ne’e sei verifika uluk husi ekipa ne’ebé simu no inspesaun molok rai iha armazein INFPM hodi halo distribuisaun ba kada Sentru Saúde iha Timor-Leste hodi halo prestasaun atendimentu ba pasiente sira.
Ai-moruk item neen mak hanesan Uphamol Paracetamol, Phytomenadione Inj, Copan Hyoscine Butylbromide, Ranitidina Hidrokloridu, Vascor Simvastatin no Resomal Sachet 42g.
Jornalista: Felicidade Ximenes
Editór: Xisto Freitas da Piedade