Top

SM arrekada taxa husi Ró Kruzeiru hamutuk $6.120

Diretór Interinu Servisu Migrasaun (SM), Juvinal Castelho. Imajen TATOLI/Natalino Costa

DILI, 18 Marsu 2025 (TATOLI)—Diretór Interinu Servisu Migrasaun (SM), Juvinal Castelho, hateten durante Janeiru to’o Fevereiru tinan ne’e Servisu Migrasaun arrekada reseita hamutuk $6.120 ba kofre Estadu.

“Ró Kruzeiru sira-ne’ebé tula sidadaun estranjeira sira balun husi Austrália no balun husi Europa tama iha ita-nia territóriu nasionál husi Janeiru to’o Fevereiru, ami kolleta taxa hamutuk $6.120,” Juvinal ba jornalista sira iha nia kna’ar fatin, edifísiu Servisu Migrasaun, Vila Verde, tersa ne’e.

Nia esplika, tuir prosedimentu, bainhira ema mai ho Ró Kruzeiru kuandu sira iha de’it ró laran, Servisu Migrasaun halo pasa revista de’it ba sira.

Notísia relevante: Janeiru-Fevereiru, SM rekolla reseita $4.013,80 ba kofre Estadu

“Kuandu sira tun mai ita-nia rai maran ami tenke tau karimbu ba sira-nia pasaporte ka ami bolu visa on arrivel ba sira. Tantu sira mai oras balun de’it ka oras ida ka rua, kuandu tama ona iha ita-nia rai maran, ne’e tama ona área jurídiku territóriu rai-laran, entaun sira tenke paga koima ba ita. Kada pesoa tenke paga $30,” nia esplika.

Juvinal hatutan, normalmente, Servisu Migrasaun sempre halo hanesan ba estranjeiru sira-ne’ebé mai ho Ró Kruzeiru, ezeptu Indonézia tanba livre viza.

Jornalista: Natalino Costa

Editór: Xisto Freitas da Piedade

Publisidade

Leave a Reply

Latest Post

error: Content is protected !!