DILI, 26 Marsu 2025 (TATOLI) – Governu deside halo ezonerasaun ba membru atuál Konsellu Administrasaun Autoridade Aviasaun Sivíl Timor-Leste, (AACTL, I.P, sigla portugés), Eusébio Freitas, no nomeia Zezinho António Gusmão hodi asume kargu Prezidente Konsellu Administrasaun AACTL.
Aleinde ne’e dezigna mós Maria Luísa Monteiro no Cornélio Vasconcelos nu’udar membru Konsellu Administrasaun AACTL nian.
Projetu rezolusaun Governu ne’e aprezenta husi Ministru Transporte no Komunikasaun, Miguel Manetelu.
“Liafuan ezonera duni maibé sira-nia mandatu mak hotu, nune’e mak ita avansa foun”, Miguel Manetelu esplika iha Palásiu Governu, ohin.
Relembra katak Eusébio Freitas hetan nomeasaun ba Prezidente AACTL iha loron 02 Setembru 2020 ba períodu 2020-2024.
Notísia relevante: Eusébio Freitas nomeadu sai Prezidente AACTL foun
Jornalista: Arminda Fonseca
Editora: Maria Auxiliadora
