DILI, 09 Abríl 2025 (TATOLI)—Diretór Jerál Servisu Rejistu Notariadu, Agostinho Gonsalves Vieira, hateten Igreja Katólika Karizmátika Timor-Leste (ICCTL-sigla portugés) seidauk hetan legalidade husi Diresaun Jerál Servisu Rejistu Notariadu Ministériu Justisa.
“ICCTL ne’e seidauk rejistadu. Ne’ebé, sira-nia atividade ne’e illegal,” Agostinho hateten ba jornalista sira iha nia kna’ar fatin, Kolmera, Dili, kuarta ne’e.
Nia esplika ICCTL seidauk rejistadu maibé halo uluk ona atividade ne’e krime no rekizitu sira atu sai organizasaun ida tenke tenke iha estatutu rasik, naran organizasaun ne’ebé diferente no tenke kria sira-nia Bíblia rasik.
Notísia relevante: DIK identifika no dirijente ICCTL esklarese razaun
“Se sira laiha Bíblia ne’e labele rejistu. Nia labele uza fali Bíblia Katólika nian ba rejistu,” nia afirma.
Agostinho informa katak ICCTL viola ona Dekretu-lei númeru: 5/2005 kona-ba harii asosiasaun no fundasaun tenke prenxe rekizitu sira.
Jornalista: Natalino Costa
Editór: Xisto Freitas da Piedade
