Top

PTR triste ho falesimentu Padre Maubere

Padre Domingos da Silva Soares “Maubere”. Imajen espesiál

DILI, 16  Maiu 2025 (TATOLI)—Prezidente Tribunál Rekursu (PTR), Afonso Carmona, sentre triste ho falesimentu Pároku Parókia Sagrado Coração de Jesus Bekora, Pe. Domingos da Silva Soares Maubere, tanba nu’udár bibi-atan di’ak ne’ebé dedika aan ba luta luta libertasaun nasionál.

“Nia (Padre Maubere) nu’udár ativista no nu’udár padre. Ita triste ho ninia falesimentu, más ida-ne’e Maromak nia planu. Ita só reza hodi bele akompaña nia to’o hetan fatin rohan laek,” Carmona dehan ba jornalista sira iha nia kna’ar fatin, Kaikoli, sesta ne’e.

Notísia relevante: Maktoban Padre Domingos Maubere to’o ona iha Parókia Bekora

Prezidente Tribunál Rekursu lori funsionáriu Tribunál Rekursu tomak nia naran hakarak hato’o sentidu kondolénsia kle’an ba falesimentu Amu Maubere.

“Ami sei bá presta ami-nia omenajen ba Saudozu Padre Domingos Maubere,” nia informa.

Jornalista: Natalino Costa

Editór: Xisto Freitas da Piedade

Publisidade

Leave a Reply

Latest Post

error: Content is protected !!