DILI, 30 Maiu 2025 (TATOLI)–Ministru Interiór, Francisco Guterres, hateten Governu la halo prosesu ba Arnolfo Teves Jr nia família tanba sira iha dokumentu kompletu hanesan pasaporte no hetan vistu rezidénsia.
“Sim. Sira iha pasporte no hetan vistu rezidénsia. Tanba ne’e, sira bele hela iha-ne’e,” Ministru Interiór dehan ba Tatoli iha nia kna’ar fatin, Vila Verde, sesta ne’e.
Notísia relevante: Arnolfo Teves deportadu ho Philippine Air Force no tatoli hela obrigadu ba Timor
Entretantu, governante ne’e lakohi fó nia komentáriu kle’an kona-ba prosesu haruka-fila Arnolfo Teves Jr tanba prosesu ba sidadaun referida liu ona.
“Prosesu ne’e liu ona, ne’ebé ita-boot lalika mai husu tan ida-ne’e. Karik notísia ohin loron laiha bele ba husu fali sira seluk,” nia afirma.
Jornalista: Natalino Costa
Editór: Xisto Freitas da Piedade
