Top

Ema ida lakon vida-na’in haat grave tanba asidente rodoviáriu iha Lautein

Komunidade ne’ebé hela besik fatin akontesimentu haree besik asidente ne’e. Imajen espesiál

DILI, 02 Jullu 2025 (TATOLI)-Ema ida lakon vida no na’in-haat seluk ho kondisaun grave tanba asidente rodoviáriu ne’ebé akontese segunda, 1 Jullu madrugada maizumenus tuku 3.00 iha área Buihomau, suku Serelau, postu administrativu Lautein, munisípiu Lautein.

Vítima na’in-haat agora daudaun halo tratamentu saúde iha ospitál referál Baukau.

Diretór Diresaun Tránzitu Seguransa Rodaviariu Nasionál, Superintendente Asistente Polísia, Luis da Costa, konsidera asidente ne’e fatal tanba kauza husi motorista ne’ebé halai ho velosidade másima.

“Akontesementu ne’e ita-nia PNTL munisípiu Lautein liuhusi Diresaun Tránzitu Seguransa Rodaviáriu prosesa ona no sei aprezenta ba ministériu públiku”, dehan nia ba jornalista sira iha Komandu Jerál PNTL, Kaikoli, kuarta ne’e.

Ba jornalista sira, nia haktuir kronolojia katak karreta ida ho marka Hilux husi Lautein mai Dili, no karreta seluk ho marka Triton husi Dili bá Lospalos, kondús ho velosidade ne’ebé másima hodi rezulta motorista Hilux lakon vida iha momentu ne’e kedas.

Husi karreta rua ne’e, nia dehan karreta Hilux tula ema na’in-rua, enkuantu Triton ema na’in-haat ne’ebé ho kondisaun grave.

Tuir informasaun motorista ho kondisaun alkól, maibé nia ekipa kontinua hela iha prosesu investigasaun.

Notísia relevante: Asidente Tránzitu Bis Xiliax Rezulta Ema Nain Sia Kanek

Jornalista       : Natalino Costa

Editora           : Rita Almeida

Publisidade

Leave a Reply

Latest Post

error: Content is protected !!