Timor-Leste derrota 0-4 kontra Tailándia iha jogu AFC U23
DILI, 19 Jullu 2025 (TATOLI) – Jogu Association of Southeast Asian Nations (ASEAN) Championship Mandiri Cup tinan-2025 iha grup C rezulta Timor-Leste derrota kontra Tailándia ho rezultadu 0-4.
Ekipa rua hahú ho jogu nakloke ba malu, selesaun Elefante sai dominante bainhira estatístika hatudu Tailándia ameasa guarda rede Timor-Leste dahaat, bola rua direita ba grandiar hodi rezulta golu ida ense husi jogadór Burapha iha menitu 14′ liuhosi bola ulun hafoin aproveita bola falta husi suta kantu.
Hafoin lakon golu ida, Timor-Leste hahú koko atake no sai dominante ho pursentu 53 no akurasaun 229 inklui tarjetu shoot 1, maibe ekipa Tailándia hadook liután esperansa elementu Simon Eliseetche bainhira jogadór Phochai ense golu segundu iha menitu 40′ hodi rezulta volta dahuluk selesaun Tailándia lidera ho 0-2.
Hafoin menitu 15 tempu intervalu, jogu volta daruak hahu ho ekipa Lafaek halo mudansa hodi subtitui jogadór Quintão tama hodi subtitui jogadór Farrugia sai maibé jogadór Ratree ense tan golu halo Tailándia lidera 0-3 iha menitu 50′.
Alende ne’e, jogadór Timor-Leste na’in-rua hanesan Leonio Freitas ho Oatnasio da Silva subtitui tán jogadór rua seluk Luis Figo no Fretiliano iha minutu 63′ maibé ekipa rua nafatin iha ritmu jogu ne’ebé hanesan kontinua domina kampu no iha minitu 74′ ekipa Elefante lidera dook liután bainhira jogadór Sealao hakotu jogu entre Timor-Leste ho Tailándia ho rezultadu 0-4.
Entretantu, Timor-Leste ninia destinu sei determina jogu entre Tailándia kontra Myanmar, iha-ne’ebé tabele klasifikasaun provizóriamente rezulta pozisaun Timor-Leste ho Myanmar pozisaun hanesan kataka pontu 1, enkuantu Tailándia lidera iha grupu C ho pontu 3.
Timor-Leste (3:5:2) Jogadór: Filonito (1), A. Bakhito (10), Luis Figo (10), Liam Farrugia (3), Zenivio Mota (11), Fretiliano (16), Vabio Canovaro (18), Adian Perreia (5), Anizo Correia (23), Palomito Ribeiro (6), Olagar Xavier (9).
Tailándia (4:4:3), Jogadór : Phosaman, Buaphan (4), Ratree (5), Noiwong (22), Suksakit (3), Namphueng (18), Boonhla (6), Praphant (14), Burapha (9), Pohchai (8), Boonloet.
Jornalista : Natalino Belo
Editór : Evaristo Soares Martins
