DILI, 25 Marsu 2026 (TATOLI)–Governu liuhusi reunian Konsellu Ministru (KM), Kuarta ne’e, nomea Komisáriu Asistente Polísia Jorge Monteiro hodi lidera Servisu Migrasaun.
Ministru Interiór, Francisco da Costa Guterres, hateten, iha biban reuniaun ezekutivu, Governu ezonera Komisária Asistente Polísia Natercia Martins husi kargu Diretora Ezekutiva Servisu Migrasaun no nomea Komisáriu Asistente Polísia Jorge Monteiro lidera Servisu Migrasaun ba mandatu tinan-tolu.
“Nomea fali Komisáriu Asistente Jorge Monteiro hanesan fali Diretór Ezekutivu Servisu Migrasaun,” Ministru Interiór hato’o ba Jornalista sira, hafoin reuniaun KM iha Palásiu Governu.
Notísia relevante : Fitun ida monu tula-an iha Natércia nia kabaas leten
Antes ne’e, iha loron 07 Janeiru 2026, Governu louhusi reuniaun KM nomea Natercia Eufrásia Soares Martins nu’udar Diretora Ezekutiva Servisu Migrasaun ba mandatu tinan-tolu.
Kriasaun husi Servisu Migrasaun iha responsabilidade jerál iha termu Lei Migrasaun no Azilu hodi kontrola movimentu husi ema-nia chegada no sai husi país, ne’ebé kontroladu no monitoriza prezensa husi prezensa estranjeiru iha territóriu nasionál.
Jornalista : Natalino Costa
Editora : Julia Chatarina
