Autoridade Seguransa detein suspeitu na’in-haat iha konfrontu Beto
DILI, 27 Outubru 2026 (TATOLI)–Polísia Nasionál Timor-Leste (PNTL) liuhusi Komandu Munisípiu Dili detein suspeitu na’in-haat ne’ebé suspeitadu iha konfrontu Beto, Suku Madohi, Postu Administrativu Dom Aleixo, Munisípiu Dili ne’ebé akontese iha Segunda (26/10), maizumenus tuku 18:00 lorokraik.
Joven sira tuda malu hodi rezulta uma, keoske inklui loja sira iha área estrada ibun balun hetan estragu.
“Suspeitu na’in-haat mak ita detein ona iha sela Komandu Munisípiu Dili no sira submete ba ona investigasaun,” Komandante Polísia Munisípiu Dili, Superintendente Xefe Polísia Orlando Gomes informa ba Ajénsia TATOLI via telefónika, Tersa ne’e.
Notísia relevante : Konfrontu iha Aitarak-Laran no Raikotu, PNTL asegura suspeitu na’in-rua
Nia dehan, to’o agora ekipa seguransa seidauk hatene motivu konfrontu loloos tanba halo hela investigasaun.
Jornalista : Natalino Costa
Editora : Julia Chatarina
