Top

Impact Investment Exchange hakarak apoia TL assume Prezidénsia ASEAN iha 2029

Fundadora no Diretora Ezekutiva Impact Investment Exchange (IIX), Durreen Shahnaz, hasoru malu Prezidente Repúblika, José Ramos-Horta. Imajen/Espesiál.

DILI, 18 Novembru 2026 (TATOLI)—Fundadora no Diretora Ezekutiva Impact Investment Exchange (IIX), Durreen Shahnaz, hateten Prezidente Repúblika, José Ramos-Horta, inspira nia no ema millaun sira seluk ho nia paixaun no fiar iha mundu ida-ne’ebé justu, no hakarak apoia Timor-Leste assume Prezidénsia ASEAN iha 2029.

“Ha’u hanoin buat ne’ebé interesante tebes mai ha’u mak rona ninia hanoin kona-ba Timor nia futuru, oinsá loloos Timor bele sai líder ba ASEAN,” Durreen Shahnaz dehan ba jornalista sira iha Palásiu Prezidensiál Bairru-Pite, Dili, Kuarta ne’e.

Durreen Shahnaz hatutan, nia kontente tebes tanba sei hala’o papél ida hodi asegura katak parte hotu servisu hamutuk hodi halo Timor-Leste sai kadeira fantástiku ASEAN nian iha tinan tolu nia laran.

“Ami kontente tebes katak husi Impact Investment Exchange, ami sei hala’o papél ida hodi asegura katak ita hotu servisu hamutuk hodi halo Timor sai kadeira fantástiku ASEAN nian iha tinan tolu nia laran,” nia dehan.

Nia mós agradese ba Prezidente Repúblika ne’ebé laran-di’ak ho nia tempu no matenek, no iha vontade atu hamutuk ho IIX.

Jornalista : Hortêncio Sanchez

Editór       : Cancio Ximenes

Publisidade

Leave a Reply

Latest Post

error: Content is protected !!