Top

Embaixada EUA organiza konferénsia antigu alunu programa interkámbiu EUA-TL

Foto: Embaixada EUA

DÍLI, 20 November 2026 (TATOLI) – Embaixada EUA iha Dili organiza Konferénsia Alumni Interkámbiu EUA-TL 2026 iha loron Sesta, 20 Novembru 2026, iha Hotel Novo Turismo, Lecidere.

Eventu ne’e halibur Antigu Alunu nain 100-resin husi EUA nia programa interkámbiu oioin—inklui Fulbright, YSEALI, IVLP, no Global UGRAD—atu hametin ligasaun, harii rede (network), no selebra impaktu komún husi komunidade interkámbiu nian.

Koneferensia ne’e dezeña hodi hametin rede ne’ebé sustentável husi profisionál Timoroan sira ne’ebé influente no reforsa ligasaun bilaterál, aliened ne’e konferénsia ne’e subliña Misaun EUA nia investimentu ne’e kontinua ba dezenvolvimentu síviku no profisionál husi ninia Antigu Alunu sira.

Konferensia loron-balun ne’e inklui liafuan boas-vindas husi Embaixada EUA nia Enkarregádu Negósius, Bruce Begnell no diskursu prinsipál husi Joao Mariano Saldanha, alumni Fulbright dahuluk Timor-Leste nian.

Partisipante sira mós hola parte iha diskusaun painél no sesaun grupu nian (breakout sessions) ne’ebé foka ba dezenvolvimentu profisionál no dezafiu foun iha forsa traballu nian, inklui seguransa sibernétika no intelijénsia artifisiál.

TATOLI

Publisidade

Leave a Reply

Latest Post

error: Content is protected !!