DILI, 20 Novembru 2025 (TATOLI)-Parlamentu Nasionál aprova proposta Orsamentu Jerál Estadu (OJE) 2026 ba Sentru Nasionál Formasaun Profisionál Bekora, Institutu Públiku (CNFP, I.P) monante $1.068.706 no mós Sentru Nasionál Reabilitasaun (CNR, sigla portugés) $760.862 iha espesialidade ho votu afavór 43, kontra 0 no abstensaun 21.
Orsamentu ne’ e aloka ba saláriu no vensimentu $459.648, bens servisu $519.058, kapitál menor $45.000 no kapitál dezenvolvimentu $45.000.
Iha livru OJE 2026 nian, CNFP Bekora iha programa prioridade rua (2) mak funsionamentu dezenvolvimentu institusionál prevee $727.956 no investimentu diversifikasaun ekonómika prevee $340.750, ho ninia sub-program hamutuk tolu (3).
Subprograma tolu (3) ne’e mak hanesan funsionamentu institusionál prevee $9.000, dezenvolvimentu institusionál prevee $718.956 no atividade formasaun vokasionál prevee $340.750.
Entretantu, orsamentu ba Sentru Nasionál Reabilitasaun (CNR, sigla portugés) aprovadu iha PN hamutuk $760.862 ne’e, aloka ba saláriu no vensimentu $300.393, bens servisu $451.479, kapitál menor $8.990.
Tuir livru OJE 2026 haktuir, CNR iha programa prioridade sira hanesan funsionamentu dezenvolvimentu institusionál $297.523 no programa inluzaun sosiál $463.339, inklui sub-progmara hamutuk haat (4).
Sub-programa haat (4) mak hanesan dezenvolvimentu institusionál prevee $297.523, subprograma parseria prevee $13.792, servisu espesializadu ba sidadaun defisiente prevee $268.829 no sensibilizasaun formasaun reabilitasaun ba ema ho defisiénsia prevee $194.510.
Jornalista : Alexandra da Costa
Editór : Cancio Ximenes
