OÉ-CUSSE, 29 agostu 2023 (TATOLI – Autoridade Rejiaun Administrative Especial Oé-Cusse Ambenu (RAEOA) liuhosi Sekretáriu Rejionál ba Asuntu Edukasaun no Solidariedade Sosiál, aloka $2,164,559.25 hosi Orsamentu Jerál Estadu (OJE) 2023 hodi harii eskola foun 19 no reabilita edifísiu rua iha tinan 2023 ne’e.
Notísia relevante: Edukasaun Oé-Cusse sei harii projetu eskola 25
Xefi Departementu Planeamento iha Sekretáriu Rejionál ba Asuntu Edukasaun no Solidariedade Sosiál, Cansio Coa, hateten, eskola foun 19 ne’e, komposta hosi ensinu pré-eskolár hitu (7), Ensinu Bázika Filiál (EBF) lima (5).
Nune’e mós, Ensinu Bázika Sentrál (EBC, sigla portugés) haat (4), Ensinu Sekundáriu Gerál (ESG) ida, Ensinu Tékniku Vokasionál (ETV) ida, no reabilitasaun edifísiu rua.
“Ita tau ona iha Planu Asaun Anuál tinan kotuk, atu harii eskola foun ba tinan 2023 ne’e, agora nia prosesu ne’e iha ona tenderizasun, projetu hamutuk unidade 21, eskola foun 19 no reailita edifísiu rua,” informa Cancio Coa iha Oé-Cusse, tersa ne’e.
Nia informa, eskola foun 19 ne’e hanesan, ensinu pré-eskolár Masin, ho valór $84,769.81, pré-eskolár Oétulu sei gasta $82,858.61, pré-eskolár Nunuhenu $84,321.29, pré-eskolér Paineno $94,989,29, pré-eskolár Quinat $98,712.49, pré-eskolár Oél-Kaem $99,916.77, pré-eskolár Oénunu $83,869.71.
Nune’e mos eskola (EBF) hamutuk lima, hanesan EBF Cabana $98,818.32, EBF Neonpene $97,808.99, EBF Hauboni $99,687,38, EBF Bilele suku Cunha $109,584.66, EBF, 30 agostu Masin $94,917.03
EBC hamutuk unidade haat, hanesan EBC Sumlili suku Costa $105,140.08, EBC Beunsila Somamnasi $109,961.43, EBC Boboloa suku Bobokase $109,581.57, EBC Netenbitimo, $109,886.67.
ESG harii iha suku Lela-Ufe $119,857.62, no Eskola Tékniku Agrikola Masin $129,861.45, no mós Sentro Resepsaun RAEOA $349,989.07.
Entrtantu kona-bá reabilitasaun, sei reabilita edifísiu EBF Taenaob fatubena, ho valór orsamentu hamutuk $79,615.65, no reabilita mós edifísiu Sekretáriu Rejionál ba Asuntu Edukasaun no Solidariedade Sosiál ho valór $90,846.84.
“Agora tenderizasaun ne’e avaliasaun la’o hela, ita hein katak iha tempu badak sei públika, mka ita foin hatene, kompañia manán na’in-sira,” nia katak.
Notísia relevante: Orsamentu Retifikativu ba RAEOA, Governu Sentrál ko’a millaun $36
Jornalista: Abílio Elo Nini
Editór: Evaristo Soares Martins
