DILI, (TATOLI) – Prezidente eleitu, Francisco Guterres Lú-Olo hateten simu ona konvite hodi sai oradór prinsípal iha abertura konferénsia internasionál G7+ iha fulan maiu 2017.
“Ha’u simu konvite ida kona-ba konferénsia internasionál G7+ no ha’u sei sai oradór prinsípal ba abertura konferénsia internasionál ne’e”, Lú-Olo ba jornalista sira hafoin enkontru ho ekipa G7+ iha Comité Centrál Fretilin (CCF) Komoro, tersa (18/4).
Nia promete sei kontinua fó apoiu másimu ba polítika G7+ hodi dezenvolve sustentabilidade ekonomia rai laran.
“Organizasaun ida ne’ebé foin eziste maibé potensialidade atu dezenvolve ba oin tanba nasaun 20 resin ne’ebé forma instituisaun ne’e iha vontade atu garante pás, estabilidade hodi dezenolve ekonomia iha nasaun konflituʺ.
Entretantu, Sekretáriu G7+, Helder da Costa hateten enkontru ne’e informa kona-ba polítika no implementasaun G7+.
ʺOhin ami mai briefing bainhira simu pose prezidente iha ona koñesementu polítika kona-ba G+7 ho implementasaun siraʺ, katak.
Jornalista: Agapito dos Santos
Editora: Rita Almeida
