DILI (TATOLI)—Klase Welter Senior (69kg) boxista Indonézia hosi Sasana Belu, Didi Indarto, sei kontra boxista Timor-Leste hosi Asosiasaun Boxe Munisipiu Bobonaro Martinho D.C. tanba sira na´in rua konsege manán sira nia adversáriu iha jogu segundu parte, kinta horsehik.
Iha klase Welter Senior kompostu hosi boxista na´in 5, maibé ikus mai boxista Didi Indarto (Indo-Belu) ho Martinho (Bobonaro) maka tama ba finál hodi kontra malu iha sesta lorokraik ne´e (02/06) iha Jináziu Maliana.
Boxista Didi Indarto (Indo-Belu) iha jogu refere konsege jogu ba dala rua, ne´ebé iha jogu ne’e nia manán hotu ekipa kontra hodi hakat ba finál. Entretantu, boxista Martinho (Bobonaro) foin joga dala ida hodi hakat ba finál, para kontra Didi hosi (Indo-Belu). Maibé, iha jogu loron segundu ne’e, Martinho halakon nia adversáriu ho rezultadu manán númeru ás (angka) no Didi manán nia kontra ho KO (knoct out) iha ronde 2.
Boxista Asosiasaun Boxe Belu, Didi Indarto sente kontente tanba bele halakon ninia adversáriu hosi Asosiasaun Same (Timor-Leste) iha jogu kategoria welter senior.
“Ha´u akompaña de´it ninia jogu. Primeiru, nia halimar tuku (zep), maibé depois ha´u fó tuku huk ba nia monu tún ba rai kedas,” nia haktuir.
Nia hatutan katak jogu primeiru boxista Timor-Leste halimar kapa´as tebes tanba nia zep hela de´it susar para atu tuku tama. Maibé, iha finál ne’e, boxista Indonézia ne’e hatete lakon manán intrega de´it ba iha Maromak.
Iha jogu loron segundu parte iha kinta (01/06), jogu Ezibisaun Baguita Espanya (Ainaro) manán Teodora da Costa (Viqueque) no Dorina M.T.G. (Viqueque) manán Donalda da C. Teti (Bobonaro). Iha Klase Layang Junior (49kg), Rui Gonçalves (Dili) manán Carolina S. (Manufahi) no Tito B. (Ermera) manán Marciano de Jesus (Bobonaro). Klase Layang Senior (49kg), José B. Quintas (Manatuto) manán Frederico S.K. (Ainaro) no Antoninho dos Santos (Ermera) manán Mário B. Kali (Indo-Belu).
Klase Terbang Junior (52kg), Nazario S. (Viqueque) manán Joel A. F. (Bobonaro) no Estevão Ramos (Aileu) manán Gergorio de Jesus (Lautem). Klase Terbang Senior (52kg), João Barbosa (Dili) manán Evaristus R. Leki (Indo-Belu) no Dionísio S.B. (Viqueque) manán Elizio R.G. (Baucau).
Klase Bantam Junior (56kg), Aquintino F. (Manufahi) manán Aloysius M. (Dili) no Frederico C.N. manán Etelino D.C. (Oe-Cusse). Klase Bantam Senior (56kg), Romario Teti (Bobonaro) manán Teonizio S. (Dili) no Octavianus Bou (Indo-Belu) manán Abílio Orlando (Viqueque). Klase Ringan Junior (60kg), Oligario D.A. (Manatuto) manán Andre do A. (Manufahi) no Eliciano D.S. (Bobonaro) manán João Hartono (Ermera).
Klase Ringan Senior (60kg), Inosentus Mau (Indo-Belu) manán Teonizio Quintas (Baucau) no Chelito Minta (Ainaro) manán Afonario A. (Dili). Klase Welter Ringan Junior (64kg) Juvito Ximenes (Dili) manán Andre D. (Ainaro) no Sávio Ramos (Bobonaro) manán Sulti Mutar (Ermera). Klase Welter Ringan Senior (64kg) Libertus GHA (Indo-Belu) manán Francisco G. (Bobonaro). Klase Welter Senior (69kg), Martinho D.C. (Bobonaro) Manán José Leoneto (Dili) no Didi Indarto (Indo-Belu) manán Rui Soares (Manufahi). (Jornalista: Xisto Freitas)
