DILI, (TATOLI) – Ministériu Administrasaun Estatál tuir polítika governu da-hituk nian mak sei konsentra ba programa perioridade tolu hanesan dezenvolve munisipál, deskonsentrasaun zona espesializada no muda estatutu munisípiu Dili ba kapitál metropolitan.
Ministru Administrasaun Estatál, Valentin Ximenes hato’o programa ne’e hafoin aprejenta ba Primeiru Ministru, Marí Alkatiri iha tersa ohin hodi implementa durante mandatu ninian tinan lima 2017 to’o 2022.
Kona-ba munisípiu, governante ne’e hateten sei hala’o eleisaun ba prezidente asembleia kamára munisipál foun, harii zona espesiál konsentrasaun ekonómia atu povu hotu moris ho kondisaun ekonómia hanesan.
Programa tolu ne’e ho objetivu atu kria moris di’ak ba povu, kria ordenamentu teritóriu iha kapitál Dili atu sai sidade ida ordenadu, hakmatek, moos no furak.
ʺIda ne’e maka ha’u nia servisu importante atu hala’o iha estatál durante tinan limaʺ, afirma.
Jornalista: Agapito dos Santos
Editora: Rita Almeida
