Oitavu Governu Konstitusionál Hakarak Sai Hanesan Motór Ba Mudansa

DILI (TATOLI)—Primeiru Ministru, oitavu governu konstitusionál, Taur Matan Ruak, afirma oitavu governu konstitusionál hakarak sai hanesan motór ba mudansa no transformasaun ba sosiedade Timor.

“Governu sei haree liu ba ba kapitál sosiál, iha infraestrutura bázika no iha governasaun di’ak; ne’ebé iha kritériu, efikásia no deligente ho rekursus bar-barak mak disponivel ba ita,” Primeiru Ministru, Taur Matan Ruak hato’o iha nia diskursu hafoin simu pose iha Palásiu Nobre, Lahane, ohin.

Nia dehan, hanesan motor ba oportunidade no esperansa, mak hatene, katak  sei labele hetan dezenvolvimentu justu no sukat ka fahe hanesan, bainhira família balun ka setór sosiedade balun de’it mak hetan di’ak, enkuantu grupu selu-seluk ho ema ne’ebé iha moris mukit, vulneráveis no ema kbiit laek, kontinua hela nafatin iha kotuk tanba izolamentu katak do’ok liu husi ema seluk ka ema haluha tiha de’it. Motor ida mak taru duni tuir riku-soin lia-loos nian ba Nasaun! Riku-soin ida mak dúra duni liu fali propriedades ka mineráis, no tenke buras no di’ak liu tan finin fundu mina-rai nian.

Riku-soin la’ós duni Timor-Leste nian; mak nian ‘Kapitál Sosiál’, maka halibur sidadaun lubuk-ida, barak liu ema klosan sira, maibé konta o sira nian partisipasaun no inkluzaun husi feto no mane, Labarik, adúltus no ferik-katuas, faluk sira no órfauns, veteranus no antigus kombatentes, sidadaun sira mak inkapasitádus, traballadores, empreendedores, empresárius no invetedores, “Nunka bele husik ema ruma iha kotuk.”

Ida ne’e nu’udar kapitál sosiál ida mak la limita de’it ba millaun ida ka Timoroan rihun-atus-rua mak hela iha rai laran, maibé, ida ne’ebé mak habelar tuir ita nian Komunidade sira mak hela iha Estranjeiru, tanba ne’e sei aumenta ita nian potensiál ba inter-kámbiu iha kontinente lima ne’e.

Governu ne’ebe nia lidera nu’udar Governu Konfiante ida, iha nian projetu mobilizadór rasik, tuir orientasaun ba ni-nian vizaun estratéjika, espresa duni tuir nian kualidade, integridade no empeñu ba Governu nian estrutura ne’ebé ohin toma póse.

Tuir Primeiru Ministru, estrutura oitavu governu kompetente, estavel no permanente bazeadu iha solidariedade, ba koordenasaun ho kapasidade hodi kumpre mandatu konstitusionál ida ne’e, konfiadu husi Timor-Oan sira hotu, ho sira nian forsa no simu suporte husi koligasaun maioria parlamentár.

Ekipa Redasaun