Majór Jenerál Lere Husu Lider Sira Respeita Malu

DILI,15 maiu 2019 (TATOLI)-Xefe Estadu FALINTÍL- Forsa Defeza Timor-Leste (F-FDTL), Majór Jenerál, Lere Anan Timur, husu ba lider polítiku sira iha órgaun soberanu atu respeita ida-idak nia servisu no kompeténsia.
Majór Jenerál Lere Anan Timur hatete, nu’udar Timoroan tenke kuda kultura respeita malu. Tanba tuir nia, atu lidera nasaun ne’e hodi atinje objetivu ba povu ninia moris di’ak, lider no timoroan sira tenke iha nasionalizmu no patriotizmu ba ninia rain.
“Unidade mós importante atu sai sasukat atu hodi tau hamutuk ideas no opiniaun ba apoiu konstrusaun estadu no nasaun”, hateten Lere Anan Timur Jornalista sira hafoin relata servisu semanál ba Prezidente Repúblika, ohin, iha Palásiu Prezidensiál, Bairru-Pité, Dili.
Jornalista : Agapito dos Santos
Editór : Francisco Simões

