Top

Impata ho Sporting, DIT Promovidu Hikas Ba Primeira Divizaun

Jogadór DIT FC no Sporting hadau malu bola. Imajen Mídia LFA

DILI, 27 juñu 2019 (TATOLI)—Jogu  Segunda Divizaun Liga Futeból Amadora (LFA) époka 2019 ramata ona ohin loraik iha Kampu Demokrasia, Bairru Formosa, Dili,  taka ho jogu ekipa DIT kontra Sporting Clube de Timor.

Ekipa rua la manán malu. Fahe pontu hanesan (1-1). Maski fahe pontu ho Sporting, DIT kintinua hetan billete ba Primeira Divizaun époka 2020. Enkuantu, Sporting Clube de Timor mantein iha Segunda Divizaun hamutuk ho Lika-Lika FC no Santa Cruz FC. Klube seluk, FC Lero, obrigadu tenke tún ba Terseira Divizaun.

Golu DIT hatama hosi jogadór José Santos iha minutu 66. Enkuantu, golu Sporting marka hosi jogadór  Marito dos Santos iha minutu 59. Jogu refere dirije hosi árbitru Francisco Pereira, juiz liña Jerónimo Baptista, Eufrásio da Costa no árbitru rezerva, Artur Belo.

Jornalista: Mídia LFA

Editór: Xisto Freitas

Publisidade

Leave a Reply

Latest Post

error: Content is protected !!