Top

MRLAP ho PTR Hahú Ko’alia Reforma Setór Judisiáriu

Ministru Reforma Lejizlativa no Asuntu Parlamentár, Fidelis Manuel Leite Magalhães. Imajen/Mídia MRLAP

DILI, 02 jullu 2019 (TATOLI) – Governu liuhusi Ministru Reforma Lejizlativu no asuntu Parlamentár (MRLAP), Fidelis Manuel Leite Magalhães, ho Prezidente Tribunal Rekursu (PTR), Deolindo dos Santos, ohin, hasoru malu hodi hahú ko’alia konseitu reforma setór judisiáriu.

Ministru Fidelis Manuel Leite Magalhães, klarifika katak, governu iha planu atu halo reforma ba setór judisiáriu, tanba ne’e, presiza akumula opiniaun husi autoridade judisiáriu  hodi bele hetan konsensu ida.

“Ami mós halo reflesaun uitoan tanba imi (jornalista-red) akompaña konferénsia, foin lalais, kona ba reforma setór justisa nian, ne’ebé mak husi Parlamentu Nasionál organiza no ami apoiu tebes, ita hotu tenke serbisu hamutuk para bele halo setór justisa ne’ebé di’ak liu tan,”  hateten Ministru Fidelis Magalhães ba jornalista sira iha Edifísiu  Tribunal Rekursu, Caicoli, Dili.

PTR mós apoiu tebes apoiu tebes inisiativa nee, tanba Tribunal Rekursu mós hanoin hela oinsá mak bele halo reforma setór judisiál.

“Buat ne’ebé ha’u haree iha konversa nee, tribunal mós apoiu ho hanoin ne’ebé hanesan ba ideia reforma iha setór justisa,” Fidelis Magalhães hateten.

Jornalista        : Domingos Piedade

Editór              : Francisco Simões

Publisidade

Leave a Reply

Latest Post

error: Content is protected !!