DILI, 9 jullu 2019 (TATOLI) – Klínika Bairru Pité sei realiza angriasaun ho atividade konsertu múzika hodi fó kbiit ba klínika ne’e.
“Ami sei halo serimónia ida hanesan múzika, nune’e bele hetan netik buat ruma, más ne’e la’ós permanente no karik saida maka sei hetan la to’o fulan ida nian, ami nafatin husu ajuda timoroan hodi fó ajuda ba ami”, hateten Diretór Ezekutivu Klínika Bairru Pité, Daniel Murphy, ba TATOLI iha nia kna’ar fatin, ohin.
Artista timoroan ne’ebé sei prenxe atividade konsertu múzika ne’e mak; Maria Vitoria (MARVI), Toni Pereira, banda múzika ALCATRAZ, no sira seluk.
Animasaun ho folin billete $20 ne’e sei realiza iha resintu klínika, iha loron 11, 12 no 13 jullu, hahú tuku 19.00 to’o hotu.
Biban ne’e, nia husu komunidade atu partisipa hodi tau netik osan ajuda klínika, nune’e bele kontinua fó tratamentu ba populasaun.
http://www.tatoli.tl/2019/06/zonize-apoiu-20-000-ba-klinika-bairru-pite/
Jornalista: Antónia Gusmão
Editora: Rita Almeida
