DILI, 04 novembru 2019 (TATOLI)-Iha tinan oin, Ministériu Justisa (MJ), estabelese tan atendimentu pasaporte eletróniku iha munisípiu hotu, hodi fasilita populasaun sira atu trata pasaporte eletróniku iha sira ida-idak nia munisípiu.
Notísia Relevante : Governu Desentraliza Ona Pasaporte Eletróniku
“Agora Ministériu Justisa hahú instala uluk ona ekipamentu iha munisípiu sira,” hateten Ministru Justisa, Manuel Cárceres da Costa, hodi responde Ajénsia TATOLI, ohin, iha Parlamentu Nasional.
Tuir Ministru Manuel Cárceres, bainhira tinan ne’e, ekipamentu sira ne’e instala hotu ona, maka tinan oin, bele ona fasilita tratamentu pasaporte eletróniku iha munisípiu hotu, inklui Rejiaun Administrativu Espesiál Oe-Cusse Ambeno (RAEOA).
MJ hola inisiativa ne’e atu presta serbisu no atendimentu públiku ba povu ho di’ak iha territóriu Timor laran.
Jornalista : Nelson de Sousa
Editór : Francisco Simões