DILI, 17 janeiru 2020 (TATOLI) – Tribunal Distritál Dili (TDD), ohin, halo primeiru interrogatóriu ba suspeitu CMB ne’ebé autoridade seguransa detein tanba lori droga ho tipu sabu-sabu kilograma 3,253 ne’ebé importa husi Nijéria liuhusi Aeroportu Internasionál Prezidente Nicolau Lobato, Dili, iha loron 15 janeiru 2020.
Notísia Relevante : Autoridade Detein Timoroan Lori Sabu-Sabu Kilograma 3,253
Hafoin primeira interrogatóriu, iha Tribunal Distritál Dili, Fernando da Costa, nu’udar defeza ne’ebé fasilita asisténsia legal ba suspeitu CMB informa, TDD rona ona deklarasaun no simu ona prova sira kona-ba kazu droga ne’e, tanba ne’e, TDD adia fila-fali audiénsia ne’e ba sábadu (18/01/2020), tuku 11:00 Otl.
Audiénsia primeiru interrogatóriu ne’e, prezide husi juiz singular Antonio Fonseca, Ministériu Públiku reprezenta husi Prokuradora Lidia Soares, no suspeitu CMB akompaña husi advogadu privadu, Fernando da Costa.
Notísia Relevante : Polisia Deskobre Droga Nijéria iha Sekuénsia ho Kazu Kazál Timoroan
Jornalista : Domingos Piedade Freitas
Editór : Francisco Simões
