DILI, 30 outubru 2020 (TATOLI)—Jestór Klínika Bairru-Pité Dili, Inácio dos Santos, relata durante fulan-setembru 2020 rejista ona kazu foun pasiente ho moras tubercoluse ka TBC hamutuk ema na’in 37.
Hahú inísiu 2020 to’o agostu, klínika ne’ebé funda husi matebian Doutór Daniel Murphy halo ona tratamentu ba pasiente ho kazu tubercoluse hamutuk 142.
Notísia Relevante:Klínika Bairru-Pité Rejista Pasiente TBC 20
”Iha kazu sira ne’e hotu laiha ema mak lakon sira-nia vida maibé sira rekupera hotu no balun ne’ebé mak presiza halo izolamentu entaun ami izola iha ne’e depois ita hahú halo internamentu hamutuk 27 no iha na’in 30 mak halo izolamentu iha Tibar (Munisípiu Liquiça) depois fulan-fulan nafatin halo chek up ba sira-nia moras,’’ dehan nia ba Tatoli iha ninia servisu fatin Bairru-Pité, sesta (30/10).
Nia dehan nia parte sei iha estoke medikamentu no rekursu umanu sufisiente tanba durante ne’e hetan apoiu médiku na’in rua husi Ospitál Nasionál Guido Valadares (HNGV-sigla portugés) hodi fó tratamentu ba pasiente ho moras TBC.
“Medikamentu ne’ebé mak atu halo tratamentu ba TBC sei sufisiente nafatin laiha problema maibé besik stock out maibé ami maneza halo didi’ak para labele hotu no ami mós koordena ho klínika sira seluk atu suporta ai-moruk sira ne’e mai ami hodi ami halo tratamentu ba pasiente sira,”nia hateten.
Notísia Relevante:TBC Hamate Ona Ema Na´in Neen Iha Klínika Bairru-Pité
Jornalista : Felicidade Ximenes
Editór:Agapito dos Santos
