DILI, 25 juñu 2021 (TATOLI) – Jerente klube Primeira Divizaun Liga Futeból Timor – Leste (LFTL), Boavista FC Timor, Ezy Leong hateten, estrutura no jogadór Boavista simu hotu ona vasina.
“Ami konfirma ona jogadór-sira vasina hotu ona, balu kompleta ona doze segundu no balu hein atu kompleta tan doze segundu, Prezidente mak avo Ramos Horta nia mak vasina primeiru ne’ebé ami 100% ona,” Ezy Leong hateten ba Agéncia Tatoli iha sentru vasina salaun Xanana Sport Centre Dili, sesta ne’e.
Tuir kalendáriu tentativa jogu tasa 12 Novembru, Kopa Federasaun Futeból Timor Leste (FFTL) no Liga sei hala’o iha agostu nia laran no Boavista prontu ona atu kompete.
“Bainhira jogadór sira kompleta ona vasina mak ami sei hala’o treinamentu iha jullu nia laran, tanba ita haree jogu ne’e sei hala’o iha agostu nia laran,” nia tenik.
Jornalista : Hortencio Sanchez
Editór : Francisco Simões
