DILI, 12 jullu 2021 (TATOLI) – Governu Korea Sul suspende simu traballadór hosi rai-li’ur, inklui Timor-Leste tanba situasaun variante delta sa’e maka’as iha Korea Sul.
“COVID-19 delta ne’e sa’e maka’as iha Korea, entaun temporariamante sira atu traballadór hosi nasaun sira ne’ebé ba servisu iha ne’ebá labele tama lai, bainhira moras ne’e númeru tun uitoan mak sira foin autoriza fali traballadór foun sira tama ba servisu,” Diretór Jerál Empregu, Sekretaria Estadu Formasaun Profisionál Empregu (SEFOP), Paulo Alves, hateten bá Agência Tatoli iha Dili, segunda ne’e.
Governu Timor-Leste liuhosi SEFOPE nafatin prepara kondisaun bá traballadór Timor-oan, nune’e bainhira Korea livre uitoan hosi variante foun ne’e bele haruka hikas traballadór sira ba servisu.
Tuir loloos iha loron 02 jullu liubá, Timor haruka traballadór na’in-100 ba Korea Sul, maibé tanba problema iha sira balu ba uluk ne’e hamutuk na’in-65 no na’in ida pozitivu COBID-19 iha Malázia no na’in-ida hetan moras seluk, nune’e Korea fó kedan desizaun mai TL ho rekizitu tenke kuarentena mak foin ba no simu ona vasina AstraZeneca kompletu ho tenke teste PCR ho rezultadu negativu maka bele tama Korea.
Jornalista : Hortencio Sanchez
Editór : Francisco Simões
