COVID-19: kazu detetadu pozitivu 56 no ativu 839
DILI, 24 fevereiru 2022 (TATOLI)— Ministériu Saúde relata, kazu detetadu foun ohin 56, rekuperadu 118 no kazu ativu 839.
“Kazu detetadu foun ohin 56, rekuperadu 118, no ativu 839,” refere nota ne’ebé Agência TATOLI asesu, kinta ne’e.
Nune’e, hahú 21 marsu 2020 to’o 24 fevereiru 2022 iha kumulativu kazu konfirmadu 22.584 no óbitu 126.
Hosi horisehik mai ohin, Laboratóriu Nasionál Saúde halo teste PCR 285, kompostu vijilánsia sentinela laiha, rastreiu ba kontaku 106, rastreiu aleatóriu 130, viájen internasionál 48, follow up iha kuarentena ida.
Alende ne’e, totál teste PCR ne’ebé halo iha 22 fevereiru 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 150 hanesan Maubisse 22, Maliana sia, Viqueque laiha , Suai 10, Baucau haat , Ermera laiha, RAEOA 11, HNGV 74, Lautém laiha, Vera Cruz laiha no Manufahi 30.
Populasaun elijível tinan 18 ba leten, ne’ebé simu ona vasina to’o iha loron 24 fevereiru 2022 , tuir sistema informasaun Saúde iha Ministériu Saúde, hanesan kumulativu 1ª doze iha Dili (88,3%) no kumulativu 2ª doze iha Dili (82,9%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,6% no simu ona doze daruak 71,7 %.
Hosi insidénsia COVID-19 iha Timor-Leste, durante loron hitu ikus maka 4,2/100 mil abitante,
Iha loron 24, fevereiru 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu 23 , baixa ho COVID-19 hamutuk 18.No baixa tanba COVID-19 na’in lima ho sintomas moderado.
Notísia Relevante:COVID-19: óbitu ida, pozitivu 43 no kazu ativu 901
Jornalista: Felicidade Ximenes
Editór : Florencio Miranda Ximenes
