BOBONARO, MUNISÍPIU, SAÚDE

PN husu MS rezolve problema rua iha Hospital Referál Maliana

PN husu MS rezolve problema rua iha Hospital Referál Maliana

Mákina Raiu-Xís unidade rua iha Hospital Referál Maliana dadaun ne'e labele halo operasaun. Imajen Tatoli/Sergio da Cruz.

BOBONARO, 24 fevereiru 2022 (TATOLI) – Parlamentu Nasíonal (PN) liuhosi Komisaun F ne’ebé trata  asuntu saúde, husu Ministériu Saúde atu rezolve problema rua ne’ebé Hospital Referál (HRM) enfrenta nune’e bele halo atendimentu di’ak ba pasiente sira.

Problema prinsipál rua ne’e mak hanesan ida kona-ba rekursu umanu tanba daudaun ne’e doutór espesialista na’in-lima mak infetadu Covid-19 entaun semana rua ona sira dezativa tiha ospitál ba kumpre iha izolamentu tuir regras protokulu ne’ebé Organizasaun Mundiál Saúde (OMS) fó-sai.

Problema ida tán kona-ba fasilidade parte unidade fisioterápia iha mákina Raiu-Xís unidade rua, maibé prozóriu labele halo operasaun, tanba ida tipu Computer Raisies (CD) besik fulan ida ona fallansu iha kasete gravasaun filmajen nakonu ona, tanba seidauk hetan estensaun kontratu operasaun hosi kompañia ne’ebé produs mákina.

Mákina ida fali ho tipu Dizitaliization Raisies (DR) mobel, kondisaun di’ak hela maibé laiha espasu atu kapta ba pasiente ne’ebé naksalak ka ruin tohar durante semana rua resin ona la funsiona.

Deputadu sira hosi Komisaun F sira halo vizita fiskalizasaun ba sala operasaun Hospital Referál Maliana. Imajen Tatoli/Sergio da Cruz.

“Tanba ne’e presiza duni governu halo intervensaun lalais ba Hospital Referál Maliana, tanba kuandu rekursu laiha afeta ba ema-nia vida,” Prezidente Komisaun F, Noé da Silva  Ximenes ‘Buka-Tuir’ informa ba Agência Tatoli, hafoin halo fiskalizasaun polítika no rona direitamente preokupasaun ne’ebé Hospital Referál Maliana ne’e enfrenta.

Reprezentante povu ne’e sei levanta problema iha ne’e iha plenária nune’e parte ezekutivu bele fó solusaun.

“Ami-nia kna’ar mak halo de’it fiskalizasaun, maibé ami mós iha kna’ar ida atu bele hato’o ba governu atu buka dalan ba ida-ne’e. Ami sei hato’o problema sira ne’e ba governu atubele rezolve lalais kestaun sira-ne’e,” nia katak.

Diretór HRM, Bourdaloue Fernandes Moniz, fó-sai katak, durante mákina rua ne’e la funsiona médiku sira sempre refere pasiente sira ba iha Hospital Nacional Guido Valadares (HNGV) hodi hetan rezultadu raisies.

“Ha’u hakarak klarifika de’it, ema-nia ekipamentu sira-ne’e modurnu, ezemplu ema uza password ne’e tinan lima de’it, agora ita-nia ne’e dezde 2008 kedas, ne’e buat sira-ne’e lakon hotu ona, ita obriga mós falla nafatin, entaun tenke husu fali ba ema fábrika na’in sira tau fali seluk, ida-ne’e kestaun kontratu governu mak iha kompeténsia,” nia esklarese.

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!