DEFEZA, DILI, NASIONÁL

Tenente Jenerál Falur relata pontu situasaun militár ba PR

Tenente Jenerál Falur relata pontu situasaun militár ba PR

Tenente Jenerál Falur Rate Laek. Imajen Tatoli /Egas Cristovão.

DILI, 23 marsu 2022 (TATOLI)—Xefe Estadu Maiór Jenerál FALINTIL Forsa Defeza Timor-Leste (F-FDTL), Tenente Jenerál Falur Rate Laek, kuarta ne’e relata pontu situasaun militár ba Prezidente Repúblika, Francisco Guterres Lú Olo. 

“Enkontru ho Prezidente Repúblika atividade normál fó pontu situasaun militár sira-nian ba iha Prezidente nu’udar komandante supremu forsa armada,” Falur hateten ba jornalista sira hafoin ramata enkontru iha Palásiu Prezidensiál, Bairru Pite.

Tenente Jenerál relata servisu liga ho atividade diretiva inisiál ba komponente sira tuir estatutu foun agora redús iha de’it kompañia tolu, entaun iha nesesidade halo enkuadramentu legál ba Komponente aero, terrestre no navál. nune’e ho nesesidade fó diretiva inisiál halo planementu atu reajustamentu estrutura iha komponente tolu ne’e.

Durante sorumutu, Xefe Estadu husu membru F-FDTL mantein dixiplina no atividade loro-loron tenke hala’o nafatin servisu tuir polítika diretiva haruka no komandu nian.

Tuir konstituisaun artigu 146 (Forsa Armada sira) iha alínea 2 hateten FALINTIL-FDTL garante independénsia nasionál, integridade territoriál, liberdade no populasaun nia seguransa hasoru agresaun ruma ka ameasa externa, ho respeitu ba orden konstitusionál.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!