DILI, 03 maiu 2022 (TATOLI)—Prezidente Konsellu Imprensa (CI), Virgílio da Silva Guterres, hateten CI atribui ona karteira profisionál hamutuk 300 ba jornalista sira hahú tinan 2017 to’o 2020.
“Tinan barak ita haree ona, nune’e CI prepara ona kartaun profesionál no tinan ne’e ita sei oferese kartaun profisionál 300-resin,” Prezidente CI ne’e hateten jornalista sira, iha salaun Delta Nova, Dili, tersa ne’e.
Mekanizmu ba jornalista sira atu hetan karteira profisionál mak nia tenke tuir ezame hakerek no orál.
“Maibé jornalista sira tenke kompleta siénsia jornalístika no komunikasaun sosiál tanba funsaun hosi karteira profisionál ne’e atu verifika katak jornalista kompetente servisu ba kobertura iha terrenu,” nia dehan.
Ho ne’e, nia dehan sei suporta jornalista sira hotu atu servisu ho kredibilidade, ho loloos no imparsialidade, tanba ho objetivu ida katak atu hadook hosi jornalista ida atu labele halo sala ko kontra regra nune’e informasaun sira ne’e bele konsumu hosi públiku.
Diretór Dezenvolvimentu no Análiza Mídia, Almérico da Costa Junior, hateten presiza prosesu ne’ebé mak naruk ba jornalista sira atu bele hetan kartaun profsionál ne’ebé mak CI prepara tuir kategoria dahuluk mak jornalista ne’ebé mak akaba estudu komunikasaun sosiál no sira sei iha oportunidade hodi halo estajiu durante fulan neen (6).
“Sira-ne’ebé mak la akaba iha área komunikasaun sosiál sei estajiu durante fulan 12 no ba sira ne’ebé mak akaba de’it iha eskola sekundária sei tuir estajiu fulan 18 nia-laran,” nia dehan.
Jornalista sira tenke partisipa esplosaun durante semana ida molok tuir ezame hodi hetan kartaun professional no CI sei la atribui ba jornalista sira-ne’ebé mak la passa ezame. Tanba kartaun profísional ne’e ba sira-ne’ebé mak kompleta kritériu atu ezame, nune’e jornalista tenke iha koñesimentu jornalístiku no no iha kapasidade ba mekanizmu kobertura iha terrenu.
Karteira profeisonál ne’e atu ajuda jornalista sira hodi asesu ba kobertura no tuir dadus ne’ebé mak CI iha jornalsita hamutuk 500 ne’ebé mak servisu iha mídia privadu no Governu.
Jornalista : Osória Marques
Editór : Cancio Ximenes
