DILI

KPF hato’o proposta funsionáriu públiku idade 60 tenke reforma

KPF hato’o proposta funsionáriu públiku idade 60 tenke reforma

Prezidente Komisaun Funsaun Públika (KFP), Faustino Cardoso Gomes. Imajen Tatoli/Francisco Sony.

DILI, 13 juñu 2022 (TATOLI)–Prezidente Komisaun Funsaun Públika (KFP), Faustino Cardoso, hateten KFP hatama artigu ida ba proposta dekretu-lei kona-ba reforma nian tanba hakarak ka lakohi funsionáriu públiku ida mak idade to’o ona 60 tenke reforma.

Notísia Relevante: Reforma administrativa públika, Governu analiza opsaun polítika lejizlativa kria KFP

Nia hatutan, ho razaun atu fó biban fali ba jerasaun foun sira atu bele revitaliza fali funsaun públika, konforme estrutura demografia ne’ebé domina hosi idade joven.

“Komisaun hato’o proposta ida-ne’e ba Primeiru-Ministru, Taur Matan Ruak depois mak hatama diskusaun iha nivel asesór sira iha gabinete PM maibé depois KFP hetan informasaun katak buat ida limitasaun idade efetiva servisu ema ida-nian ne’e kompeténsia eskluziva Parlamentu Nasionál nian, la’ós kompeténsia Governu nian,” Prezidente KFP ne’e hateten ba jornalista sira, hafoin partisipa workshop kona-ba implementasaun programa reforma administrativa iha salaun MSSI, Caicoli, Dili, segunda ne’e.

Governu iha kompeténsia lejislativa liuhosi dekretu-lei maibé tanba kompeténsia eskluziva Parlamentu Nasionál (PN) nian, ne’ebé signifika katak buat hirak ne’e tenke regula iha lei.

Maibé, nia dehan, tanba de’it lei Seguransa Sosiál (SS) iha tiha ona signifika presiza de’it fasilita atu halo alterasaun ba leis eguransa sosiál ne’e, iha ámbitu ne’e rona mós opinaun téknika asesoria nian hosi gabinete PM entaun KFP halo komunikasaun ho PN liuhosi deputadu sira no KFP aprezenta ona proposta altersaun ba lei númeru 12/2016, kona-ba SS nian.

Hosi lei númeru 12/2016 ne’e ezize hetan alterasaun hodi hatama artigu ida espesífiku reforma obrigatória no agora iha hela responsabilidade PN nian.

Maibé, KFP ami kontinua halo komunikasaun nune’e oinsá tau prioridade alterasaun lei númeru 12/2016 kona-ba Seguransa Sosiál ne’e atu asegura prinsipiu obrigatóriadade reforma ne’e.

Kona-ba post alterasaun reforma ninian, nia hateten, desde tinan rua liubá antes COVID-19 ne’e KFP halo tiha ona proposta dekretu-lei ida kona-ba planeamentu forsa traballu no iha proposta dekretu-lei ida-ne’e KFP mós hatama artigu ida-ne’ebé mak define kona-ba idade másimu servisu efetivu sidadaun ida-nian iha funsaun públika.

Ko’alia kona-ba reforma, Ministru Prezidénsia Konsellu Ministru, Fidelis Magalhães, hateten reforma ne’e presiza tempu tanba dezenvolviementu ba infraestrutura no teknolojia sira mak bele reforma.

“Atu ko’alia muda ne’e buat fasil maibé ita atu muda ba saida. Ida-ne’e ita presiza halo análiza ida, tanba ita hatene katak liu-liu iha edukasaun ne’e desde tinan 1999 to’o agora ita fó formasaun hira ba profesór no iha área espesifiku saída nian. Ita haree tiha, nune’e mak pasa konkretu ida para hafoun iha administrasaun públika,” Fidélis hateten.

Tanba, tuir nia, sai professor idade la’ós problema maibé ne’e siénsia mak sai problema, tanba iha fatin barak profesór ho idade avansada mak barak.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!