iklan

BAUCAU, EKONOMIA, HEADLINE, MUNISÍPIU

Partisipasaun kompañia lokál hafasil implementasaun projetu iha Baucau

Partisipasaun kompañia lokál hafasil implementasaun projetu iha Baucau

Diretora PNDS Munisípiu Baucau, Amélia Maria Viegas. Imajen Tatoli/Natalino Belo.

BAUCAU, 04 jullu 2022 (TATOLI) – Programa Nasionál Dezenvolvimentu Suku (PNDS) Munisípiu Baucau, konsidera partisipasaun kompañia lokál hafasil implementasaun projetu iha tinan 2022.

Diretór PNDS Munisípiu, Amélia Maria Viegas hateten liuhosi enkontru ho kompañia sira ho objetivu hato’o informasaun ba kompañia lokal sira kona-ba implementasaun PNDS nian iha tinan 2022, liuliu preparasaun fornsimentu materiál konstrusaun iha fatin projetu.

“Loron implementasaun bazea ba koutasaun hafoin sei kontinua informasaun ba kompañia sira atu prenxe kritéria sira nune’e bele hahú implementa projetu,” Diretór PNDS Baucau hateten iha Sentru Konvensaun Baucau (CCB, sigla Portugés), segunda ne’e.

Ho partisipasaun kompañia lokál bele aselera projetu PNDS tinan-2022 iha Baucau tanba bele fasilita distribuisaun materiál konstrusaun ba fatin projetu.

Totál kompañia fornesedór ne’ebé rejista hamutuk 130-resin komposta hosi kompañia lokál iha postu administrativu neen hanesan postu Baguia, Baucau vila, Laga, Vemase, Venilale no Quelicai.

“Ita espera bele hafasil implementasaun projetu iha baze tanba tinan-ida ne’e UKL iha kada suku uma sia to’o sanulu,” Amélia Viegas akresenta.

Autoridade Munisipál Baucau hetan alokasaun orsamentu hosi Programa PNDS hamutuk tokon $12.2. Hosi tótal ne’e atu finansia ba atividades PNDS no Reabilitasaun sede Suku (RSS) hamutuk tokon $1.6, bee-mos hamutuk rihun $840.0 no Uma Kbiit Laek (UKL) hamutuk rihun $9.8.

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!