BNCTL sei instala mákina ATM P24 iha Batugade
BOBONARO, 07 jullu 2022 (TATOLI) – Koordenadór Banku Nasionál Komérsiu Timor-Leste (BNCTL, sigla portugés) Sukursál Maliana, Cesaltino dos Santos, fó-sai katak iha tempu badak instala mÁkina Automatic Teller Machine (ATM) ho tipu tipu P24 iha postu entrada suku Batugade, postu administrativu Balibo, munisípiu Bobonaro.
Planu atu instala mákina foun ne’e hodi responde ba kliente sira-nia preokupasaun taába mákina la sufisiente nune’e iha loron transferénsia saláriu mensál kliente sira obrigatóriu tenke forma liña naruk to’o kalan mak foin bele foti osan.
Notísia relevante:BNCTL Seidauk Implementa Sistema P24 Tanba sei Prodús Kartaun
“Iha tempu badak ami atu loke ona Ajénsia iha Batugade no tau hotu ATM P24 ne’e fiksa tiha ona, atu fasílita ita-nia kliente sira hosi Atabae, Balibo no Loes, bele foti direita iha-ne’ebá tanba besik ona, la presiza la’o mai Maliana vila,” nia informa ba Jornalista sira, iha Lahomea, kinta ne’e.
Daudaun ne’e mákina ATM-BCNTL nian iha kapitál Maliana ne’ebé fasilita kliente sira foti osan hamutuk rua, kompostu hosi ida iha edifísiu Administrasaun Munisípiu Bobonaro nia sorin, ho tipu Manuál no ida seluk iha edifísiu BCNTL sukursál, Bairru Boracha Laran, suku Lahomea, postu administrativu Maliana.
“Mákina ida manuál iha tempu badak sei la uza, ita sei adere hotu ba P24 tanba ne’e husu ba kliente sira hotu iha munisípiu Bobonaro ne’ebé sei utiliza kartaun manuál favór ida hakbesik ba edifísiu BCTL, atu téknikui sira fasilita troka ba P24,” nia apela.
Responsável ne’e esplika, mekanimsu seluk ne’ebé BNCTL uza hodi fasilita kliente sira halo levantamentu lalais liu mak sei instala mós mákina Point Of Sales (POS) kobre postu administrativu hotu iha munisípiu Bobonaro.
Maibé provizóriu tékniku sira instala ona iha postu administrativu Atabae, Balibo, Cailaco no postu administrativu Maliana iha loja ne’ebé interese atu sai agen BNCTL nian.
Tuir dadus kliente BNCTL iha munisípiu Bobonaro utiliza kartaun ATM na’in-28,316 komposta hosi katergoria depozita orden, depozita Labarik, poupansa migrante, depozita pesionista no idozu sira, la inklui funisonáriu sira ne’ebé krédita.
Notísia relevante:BNCTL Propoin Millaun $50 Iha 2020 Hodi Moderniza Sistema
Jornalista : Sérgio da Cruz
Editór : Evaristo Soares Martins
