Kazu pendente iha Tribunál Distritál Baucau 900-resin
BAUCAU, 15 jullu 2022 (TATOLI) –Tribunál Distritál Baucau (TDB), hahú hosi tinan 2018 to’o 2022 sei pendente kazu krime no sivíl hamutuk 900-resin .
Juiza Administradora TDB, Jumiaty Maria Freitas, esplika, kondisaun ne’e akontese tanba menus rekursu umanu hodi kontribui númeru kazu pendente komposta hosi kazu krime 700 no kazu sivíl 200-resin.
“Kazu pendente sa’e maka’as tanba ita iha juiz na’in-neen de’it, juiz ida bele kaer kazu 200-resin, bele to’o 300 prosesu, semana ida ema-ida iha loron-ida de’it,” Juiza Administradora TDB hateten iha Vila Nova, sesta ne’e.
Maske nune’e, TDB kontinua serbisu tuir kondisaun hanesan menus rekursu umanus nune’e prosesu julgamentu tenke la’o neineik tuir kondisaun iha tribunál nian.
Nune’e mós Tribunál Distritál Baucau enfrenta menus sala julgamentu no laiha ekipamentu gravasaun ba akta julgamentu.
TDB rasik relata ona ba nasionál liuhosi inspetór tribunàl nune’e bele solusiona
Jornalista : Natalino Belo
Editór : Evaristo Soares Martins
