BAUCAU, EKONOMIA, HEADLINE, MUNISÍPIU

Ekipa verifikadór finaliza ona benefisiáriu UKL iha Laisorulai de Cima

Ekipa verifikadór finaliza ona benefisiáriu UKL iha Laisorulai de Cima

Xefi suku Laisorulai de Cima, Cipriano Cabral. Imajen Tatoli/Natalino Belo.

BAUCAU, 18 jullu 2022 (TATOLI) – Autoridade suku liuhosi ekipa verifikadór finaliza ona dadus benefisiáriu na’in-10 atu hetan subsídiu Uma Kbiit Laek (UKL) hosi suku Laisorulai de Cima, postu admistrativu Quelicai, munisípiu.

Xefe suku Laisorulai de Cima, Cipriano Cabral, esplika, liuhosi enkontru konsellu suku deside benefisiáriu na’in-10 mai hosi kada aldeia na’in-lima hanesan aldeia Waidaba no Baticasa kompostu inan faluk, kondisaun uma estragu no defisiénsia.

“Identifikasaun remata ona hein implementasaun, depende ba governu bainhira transfere ona orsamentu ami bele hahú ona,” Xefe Suku Laisorulai de Cima hateten iha Vila Antiga, segunda ne’e.

Alokasaun orsamentu UKL ba suku Laisorulai de Cima hamutuk rihun $170.000-resin ne’ebé sei finansia ba infraestrutura hamutuk no operasionál ne’ebé kada benefisiáriu na’in- 10 sei direitu ba uma medida metru 48 kuadradu ho tótal orsamentu ba kada uma rihun $ 17.000.

Cipriano Cabral konsidera UKL nu’udar progama ne’ebé benefísia direita ba povu nune’e hato’o agradese ba VIII Governu Konstitusionál ne’ebé realiza programa UKL.

“Ha’u hanoin tinan 10 mak kontinua implementa, povu nia preokupasaun ita rezolve ona,” Cipriano Cabral akresenta.

Entretantu, Suku Laisorulai de Cima kompostu aldea tolu hanesan Wataliu, Waidaba no Baticasa ho totál populasaun hamutuk 12.024 hosi uma-kain 672.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!