DESPORTU, DILI, HEADLINE

Konstrusaun Estádiu munisipál Manatuto hatudu progresu di’ak

Konstrusaun Estádiu munisipál Manatuto hatudu progresu di’ak

Estádiu Munisipal Manatuto. Imajen Tatoli/Hortençio Sanchez

DILI, 21 jullu 2022 (TATOLI) – Diretór Administrasaun no Finansa iha Sekretáriu Estadu Juventude no Desportu (SEJD), Guido Monteiro, informa progresu konstrusaun Estádiu munisipál hatudu progresu di’ak tanba atinje ona 83,89%.

“Estádiu Manatuto agora progresu di’ak loos no atinje ona 83,89% tanba kompaña halo servisu ne’ebé másimu tebes, ne’ebé duut iha kampu laran mós moris hotu ona no fatin tuur sira iha estádiu laran mós hadi’a hotu ona,” Diretór ne’e hateten ba Agência TATOLI iha edifisiu SEJD Dili, kinta ne’e.

Daudau,  kompaña hadi’a ona hanesan duut kuda nakonu ona iha kampu laran, pista mós sira hahú book ona no iha estádiu liur sira ateru ona rai hodi nahe alkatraun estádiu nia oin.

Tuir nia loloos projetu ne’e ramata ona, maibé tanba problema uitoan ho kompaña mak SEJD deside aumenta tan adisionál hodi nahe alkatraun iha estádiu oin.

“Iha problema oituan tanba ne’e ho aseitasaun hosi Ajénsia Nasionál Dezenvolvimentu (ADN) no hetan liberasaun hosi Konsellu Administrasaun Fundu Infraestrutura (KAFI) hodi hamosu tan adisionál atu kompañia nahe tan aspal,” nia afirma.

Estádiu Manatuto hahú konstrusaun iha 2015, ne’ebé kaer hosi Kompaña Obrai Unipessoal Lda ho númeru kontratu ICB/0128/SEJD-2014, ho totál orsamentu $2.363.976,44, maibé iha 2022 Governu tenke aumenta tan adisionál osan hamutuk $184.741,35 ho kontratu fulan-ualu hahú hosi fevereiru-setembru 2022.

Tanba ne’e, ho totál orsamentu ne’ebé gasta ba Estádiu ne’e hosi kontratu tuan no adisionál hamutuk $2.547.717,79.

Notísia relevante: Konstrusaun Estádiu Munisipál Manatuto atinje ona 83%

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!