BAUCAU, EDUKASAUN, HEADLINE, MUNISÍPIU

Edukasaun Baucau sei realiza ezame períodu daruak iha agostu

Edukasaun Baucau sei realiza ezame períodu daruak iha agostu

Diretór Servisu Munisipál Edukasaun Baucau, Augusto Ornai Ximenes. Imajen Tatoli/Natalino Belo.

BAUCAU, 22 jullu 2022 (TATOLI) – Estudante hosi ensinu báziku, sekundária no tékniku vokasionál sei hahú ezame períodu daruak iha fulan-agostu iha munisípiu Baucau.

Diretór Servisu Munisipál Edukasaun Baucau, Augusto Ornai Ximenes, haktuir, liuhosi enkontru regulár orienta ona diretiva eskola ensinu hotu iha munisípiu Baucau atu halo preparasaun hasoru ezame períodu daruak ne’ebé tuir kalendáriu ne’ebé trasa ona.

“Ezame períodu daruak tuir duni kalendáriu ne’ebé trasa ona mak sei komesa iha loron-8 to’o 12 agostu,” Diretór Servisu Munisipál Edukasaun Baucau informa ba Agênsia TATOLI, iha Vila Nova, sesta ne’e.

Maske nune’e, iha eskola balun mak sei preokupa tanba iha períodu dahuluk iha alterasaun relasiona ho eleisaun prezidensíal volta daruak maibé períodu daruak kontinua tuir kalendáriu normál.

Enkuantu ensinu tékniku vokasionál utiliza sistema modulár nune’e matéria balun sei akontese iha loron 8  fulan-agostu maibé iha matéria balun ezame ona tanba sistema kurrikulár diferente.

“Ita orienta atu hotu-hotu la’o-tuir kalendáriu, matéria laiha ida mak tarde tanba prosesu aprendizajen hala’o normál,” Augusto Ornai akresenta.

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!