iklan

HEADLINE, SEGURANSA

Komandante PNTL enkoraja TATOLI kontinua públika notísia ho kualidade

Komandante PNTL enkoraja TATOLI kontinua públika notísia ho kualidade

Komandante Jerál PNTL, Komisáriu Faustino da Costa. Imajen TATOLI/Francisco Sony

DILI, 27 jullu 2022 (TATOLI)- Komandante Polísia Nasionál Timor-Leste (PNTL), Komisáriu Faustino da Costa, enkoraja ba Agência informasaun ofisiál Estadu Timor-Leste, TATOLI, I.P atu kontinua públika notísia sira ne’ebé  kredivél no atuál ho kualidade.

“Parabéns ba Agência TATOLI, parabéns ba jornalista sira iha TATOLI, ho aniversáriu ida ne’e, ha’u husu imi kontinua mantein imi nian profizionalizmu hodi oferese informasaun ka notísia ne’ebé atuál no kredivé ho kualidade, nune’e públiku mantein nafatin konfiansa ba ita bo’ot sira,” Komisáriu PNTL ne’e hateten ba Agência TATOLI iha nia knaar fatin Kuartel Jerál PNTL Caicoli, foin lalais ne’e.

Notísia relavante:PR Horta enkoraja TATOLI kontinua públika informasaun loos ba públiku  

Komisáriu ne’e dehan durante ne’e akompaña produtu jornálistiku iha portal Agência TATOLI nian ne’ebé iha ona kualidade di’ak, maibé jornalista sira mak tenke mantein profisionalizmu.

“Ha’u hanoin kona-ba notísia-sira entermus kualidade ita bo’ot sira laiha problema. Maibé atu kualidade no la kualidade ne’e importante maka jornalista TATOLI tenke mantein profizionalimzu hodi labele hetan influénsia ba kualker saida de’it. Ita bo’ot sira importante mak tenke halo konfirmasaun ba fontes sira, nune’e notísia sira sai ho balansu iha ita bo’ot sira nia produtu. Nune’e públiku kontinua garante konfiansa ba ita bo’ot sira,” Komisáriu ne’e enkoraja.

Entretantu, Agência TATOLI mak agência informasaun ofisiál Estadu Timor-Leste ne’ebé eziste iha tinan 2016, inisiativa husi Governu Konstitusionál da-VI, liuhusi Sekretáriu Estadu komunikasaun sosiál, Nelio Isaac Sarmento, ne’ebé haktuir ba dekrétu-lei númeru 21/2016, 24 maiu através Rezolusaun Governu númeru 9/2016, 14 marsu.

Nune’e, ohin Agência informasaun ofisiál Estadu Timor-Leste, TATOLI, I.P selebra aniversáriu ba dala-neen ho atividade eklesiástika ka misa iha Parókia Santo António, Motael, Dili.

Tuir sekuénsia programa, alende selebra misa, Agência Tatoli mós sei realiza semináriu ho tema: “Reforsa Papél Tatoli, I.P liuhosi hasa’e kuiñesimentu públiku ba domina siénsia no teknolojia liuhusi informasaun”.

Notísia relavante:Don Virgílio: Servisu Agência TATOLI nakonu ho dedikasaun ba povu TL

Jornalista: Natalino Costa

Editór     : Florencio Miranda Ximenes

iklan
iklan

Leave a Reply

iklan
error: Content is protected !!