BAUCAU, EKONOMIA, HEADLINE, MUNISÍPIU

MAE realiza formasaun planu investimentu iha Baucau

MAE realiza formasaun planu investimentu iha Baucau

BAUCAU, 01 agostu 2022 (TATOLI) – Ministériu Adminitrasaun Estatál (MAE) segunda ne’e, realiza formasaun Planu Investementu Munisipál (PIM) ba entidade liña setoriál no administadór postu hanesan reflesaun hodi prepara planu munisipál iha tinan 2024.

Xefe departamentu dezenvolvimentu nasionál planu dezenvolvimentu integradu munisipál (PDIM), António Sousa de Jesus, esplika objetivu hosi formasaun ne’e atu halo reflesaun ligada ho preparasaun planu dezenvolvementu integradu munisipál ba tinan 2024 bazea ba dekretu-lei númeru 34 ne’ebé sita katak kada-tinan halo elaborasaun planu integradu munisipál hodi minimiza dupla pragrama no atividade.

“Planu ida-ne’e tenke maihosi prioridade suku hanesan xefe suku konvoka liuhosi reuniaun hodi define setór sira di’ak atu implementa durante tinan-ida nian,” Xefe departementu nasionál PDIM hateten iha Vila Nova.

PDIM sei difini prioridade sira iha planu investimentu munisipál (PIM) nune’e antesipa ego setoriál entre liña ministériu sira nune’e bele kontrola másimu hosi administrasaun munisipál.

Liuhosi definisaun PIM fó prioridade ba konstrusaun projetu iha liña setoriál sira hanesan saúde, agrikultura, edukasaun, obra públika, bee-moos ne’ebé sei aprezenta liuhosi konsellu koordenasaun munisipál (KKM) no sei apresiasaun liuhosi reuniaun konsellu konstrusaun munisipál hanesan órgaun konsultadór.

“Sei aprezenta iha konsellu Konsultivu munisipál atu hetan apresiasaun antes sai planu investimentu finál ba tinan-2024,” António de Jesus akresenta.

MAE kontinua fó asisténsia téknika liuhosi formasaun ba grupu alvu sira bele familiár ligada ho prosesu planeamentu iha munisípiu.

Prosesu planu hahú hosi reuniaun nível suku, postu to’o munisípiu no sei submete ba ministériu atu aprezenta iha Komite Revizaun Orsamentu Polítika (KROP), Ministériu Finansa antes aprezenta ba Parlamentu Nasionál atu aprova orsamentu ba munisípiu.

Sekretáriu Munisipál Baucau, Simão dos Santos Marques Pinheiro, esplika, konsidera formasaun refere importante tanba atu eleva kapasita entidade relevante sira ligada ho preparasaun investimentu munisipál ba tinan 2024.

“Ita-nia prekupasaun barak liu ba nesesidade bázika sira-ne’ebé iha komunidade, liuliu infraestrutura bázika ne’ebé seidauk bele kobre ho orsamentu munisípiu,” Simão Pinheiro hateten.

Liuhosi orsamentu munisípiu ne’ebé aloka ba Baucau iha tinan-2022 reapropria hikas projeitu hitu iha tinan-2021 hanesan konstrusaun sede suku neen no konstrusaun moru merkadu Tuanau, Vila Nova iha fundu ba planu dezenvolvimentu integradu munisipál ho tótal orsamentu hamutuk $746.825,53 ne’ebé daudaun ne’e atinje ona 75%.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!