EDUKASAUN, HEADLINE, MUNISÍPIU, VIQUEQUE

Eskola Tékniku Vokasionál Kaloheda Viqueque menus fasilidade prátika

Eskola Tékniku Vokasionál Kaloheda Viqueque menus fasilidade prátika

Diretór ESTV Kaloheda, Samuel da Costa da Silva. Imajen Tatoli/Vitorino Lopes da Costa

VIQUEQUE, 03 agostu 2022 (TATOLI)—Eskola Tékniku Vokasionál (ESTV) Kaloheda, iha postu administrativu Uatulari, munisípiu Viqueque, daudaun ne’e menus fasilidade prátika.

“Iha ami-nia eskola daudaun enfrenta menus fasilidade hanesan komputadór hodi estudante sira utiliza ba prátika, eskola tékniku presiza  halo prátika mak foin estudante sira kompreende. Bainhira laiha prátika, estudante sira hasoru difikuldade iha matéria informátika,” Diretór ESTV Kaloheda , Samuel da Costa da Silva, informa ba Agência Tatoli, iha ninia knaar fatin, kuarta ne’e.

Notísia relevante: ETV Kalo-Heda halo atividade kuda ai-oan ho hakiak animal

Eskola ne’e iha departamentu rua hanesan agrikultura no jestaun informátika.

“Ami iha fatin ba estudante sira halo prátika ba produsaun agararia, maibé laboratóriu ba jestaun informátika maka laiha,” nia akresenta.

Daudaun ne’e kumputadór iha unidade hamutuk  10, ne’ebé la sufusiente ba estudante sira uza hodi halo prátika ba matéria informatika.

“Ha’u hato’o ona prekupasaun sira liuhosi proposta ba Governu, maibé seidauk fó resposta ba ami, nune’e ami kontinua hein bainhira maka Governu fó apoiu komputadór,” Diretór hato’o.

Antes ne’e, Vise-Ministru Edukasaun Juventude no Desportu, António Guterres, halo ona vizita direta ba ESTV Kaloheda hodi haree no rona preokupasaun sira ne’ebé eskola enfrenta.

Eskola ne’e iha profesór permanente 17, voluntáriu sia, nune’e totál profesór 26 no númeru estudante hosi klase 1 to’o 3 hamutuk 140.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!