VIQUEQUE, 25 juñu 2021 (TATOLI)- Durante aplika serka sanitária ba Munisípiu Viqueque halo atividade eskolar nian tenke suspende. Ho nune’e, Eskola Tékniku Vokasionál Kalo-Heda Uatulari, Viqueque, deside halo de’it atividade agrofolesta ho pekuária (kuda ai-oan ho hakiak animal).
Diretór ETV Kalo-Heda Uatulari, Samuel da Costa Soares da Silva, informa iha atividade pekuária nian, hakiak animal sira hanesan, fahi no karau. Nune’e, fahe tarefa serbisu ba profesór-sira kada laron tau matan.
Samuel da Costa Soares da Silva ba Agência Tatoli, iha ninia rezidénsia, Matahoi, sesta ne’e, informa, ETV Kalo-Heda iha konseitu rasik no fó hanoin ba malu katak estadu emerjénsia ne’e saida maka bele kontribui ba Estadu. Nune’e, kuda ai-oan iha planta ektare rua (2), kompostu hosi ai-saria, ai-mahoni ho ai-kameli no produsaun indústria kuda salak, abakate, saburaka, rambutan no ai-nanas. Iha pekuária nian hakiak karau vaka 10 no fahi tolu (3).
Jornalista : Vitorino Lopes da Costa
Editór : Francisco Simões
