BAUCAU, EKONOMIA, HEADLINE, MUNISÍPIU

Baucau Vila sei implementa atividade 33 liuhosi PMOPA

Baucau Vila sei implementa atividade 33 liuhosi PMOPA

Administradór postu administrativu Baucau Vila, Isencinio António da Silva. Imajen Tatoli/Natalino Belo.

BAUCAU, 09 juñu 2022 (TATOLI) – Autoridade postu administrativu Baucau Vila, sei implementa atividade 33 liuhosi Programa Mão de Obra Postu Administrativu (PMOPA) iha suku 11 iha munisípiu Baucau.

Programa refere iha ona nota akordu iha loron kuarta, 03 jullu entre Prezidente Autoridade Munisipál (PAM) Baucau, Olívio ‘Bou-Lesa’ Freitas ho administradór postu admistrativu Baucau vila, Isencinio António da Silva nune’e sei kontinua ho enkontru asemblea nível postu envolve xefe suku hamutuk 11 hodi deside atividade relasiona ho PMOPA.

“Lista ita prepara ona kada suku grupu tolu, hein enkontru finál atu hahú implementa ona iha fulan-agostu nia laran,” Administradór postu administrativu Baucau Vila hateten iha Vila Nova, kinta ne’e.

Kada suku sei implementa atividade tolu liuhosi hanesan reparasaun estrada rurál, limpeza, kuda ai-horis hodi konserva bee-matan, ne’ebé tótal grupu hamutuk 33 hosi tótal suku 11 iha postu admistrativu Baucau vila.

Postu administrativu Baucau Vila hetan alokasaun orsamentu ba implementasuan PMOPA hamutuk rihun $137-resin ($137.41,33), ne’ebé sei aloka ba operasionál 5% no 95% ba kustu investimentu ne’ebé prosesa sei transfere hosi finansa munisípiu ba konta bankária postu administrativu.

“Ajuda tebes rekoperasaun ekonomia tanba objetivu ajuda komunidade iha baze,” Isencinio António da Silva akresenta.

Grupu implementadór sira hamutuk 33 ne’ebé envolve kada grupu traballadór na’in-20 nune’e totál traballadór hamutuk na’in-660 ho durasaun kontratu loron-18.

Governu aprova PMOPA liuhosi orsamentu retifikativu aloka fundu hamutuk millaun $ 7,2, liuhosi transferénsia ba kada kontra bankária munisípiu tuir dekretu lei númeru 3/2016, hodi implementa sub-atividade hamutuk rihun 35 iha territóriu nasionál, ne’ebé tuir planu sei fó serbisu diária ba traballadór informál purvolta rihun 67.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!