DTT Baucau rekolla reseita rihun $19.660 ba kofre estadu
BAUCAU, 04 jullu 2022 (TATOLI) – Servisu Munisipál Diresaun Transporte Terestre Baucau, rekolla reseita rihun $19.660 iha fulan-jullu ba kofre estadu.
Diretór DTT Baucau, Roberto da Cruz hateten, reseita hira-nee rekolla liuhosi inspesaun totál ema hamutuk 1.059 ho orsamentu rihun $11.140, lisensa transporte públiku ema na’in-157 ho orsamentu rihun $4.130.
Karta kondusaun ema na’in-145 ho orsamentu hamutuk rihun $2.645 no rejistu ema na’in-130 ho orsamentu hamutuk rihun $1.775.
“Ida-ne’e mak ami-nia rezultadu durante fulan-jullu hatama reseita ba kofre estadu,” Diretór DTT Baucau hateten iha Vila Nova, kinta ne’e.
Durante fulan-jullu ema-ne’ebé trata dokumentu ligasaun ho transporte terrestre Baucau hamutuk ema na’in-1.491 ho totál orsamentu rihun $19.660
Nia halo komparasaun fulan-jullu grafikamente reseita aumenta tanba iha fulan-juñu DTT rekolla deit rihun $8-resin.
Jornalista : Natalino Belo
Editór : Evaristo Soares Martins
